Notkunarleiðbeiningar fyrir saunu

Leiðbeiningar fyrir allar okkar saunur

Áður en saunan er sett upp

• Við mælum með að fara vel yfir leiðbeiningar áður en saunan er tekin í notkun.
• Gakktu úr skugga um að saunan standi ekki í vatni eða í rökum jarðvegi.
• Lestu notkunar- og uppsetningarleiðbeiningar vandlega fyrir öll raftæki í saununni.
• Við mælumst til að öll vinna sem lýtur að raflögnum, þar með talin uppsetning rafmagnsofnsins, sé framkvæmd af löggiltum rafvirkja.

Frágangur viðar

• Til þess að viðurinn í saununni endist lengur skal meðhöndla alla viðarhluta, að utan sem innan, svo sem bekki, veggi og loft með viðeigandi efni (t.d. Tikkurila SUPI Saunasuoja).
• Í ósamsettri saunu skal meðhöndla viðinn á öllum hliðum áður en hún er sett saman og notuð (t.d. með Tikkurila SUPI Laudesuoja).
• Slík meðferð ver viðinn gegn raka og óhreinindum og fegrar yfiborðið.
• Meðhöndlaður viður er einnig auðveldari í þrifum.
• Mikilvægt er að fylgja leiðbeiningum á efnunum sem notuð eru og má finna á umbúðum.
• Athugið: Ekki má nota málningu eða lakk – viðurinn verður að geta andað!

Steinarnir og saunan tekin í notkun

• Ofnsteinar skulu settir í samræmi við leiðbeiningar framleiðanda.
• Mikilvægt er að hitaelementin séu hulin með steinum því ekki er æskilegt að hella vatni beint á þau. Það getur stytt líftíma þeirra verulega.
• Til að fjarlægja ryk og lykt skal skola ofnsteinana fyrir notkun. Við fyrstu hitun skal hita saununa vel upp í tvær klukkustundir með nægri loftræstingu, bæði meðan á hitun stendur og í nokkurn tíma á eftir. Hafa skal eftirlit með saununni á meðan.
• Við fyrstu hitun setjast efnin sem notuð voru inn í viðinn og mynda vörn. Ekki nota saununa við fyrstu hitun.
• Fylgstu með ástandi ofnsteinanna og skiptu um þá eftir þörfum því það geta komið sprungur í þá með tímanum. Skipta má um þá í einu lagi eða bæta við ef þörf er á.

Regluleg notkun og viðhald

• Til að halda bekkjum snyrtilegum mælum við með notkun handklæða eða renninga til að leggja á sætin.
• Til að hreinsa bekki og aðra viðarhluta skal nota viðeigandi hreinsiefni og fylgja leiðbeiningum framleiðanda þeirra.

Þrif

• Þurrka skal yfir bekkina með hreinum og rökum klút. Ef mikið vatn sullast á gólf eða bekki er mikilvægt að þurrka það upp sem fyrst. Ekki er þörf á að nota vatnsslöngu við þrifin.
• Eftir þrif skal loftræsta rýmið og leyfa yfirborðinu að þorna.
• Að minnsta kosti einu sinni á ári og/eða eftir þörfum:
  • Meðhöndla viðarhluta gufubaðsins aftur með viðeigandi efnum (sjá kafla um frágang viðar).
  • Þvo skal alla hluta bekkja, að innan sem utan, með sérstöku hreinsiefni (t.d. Tikkurila SUPI Saunapesu) og nota mjúkan bursta eða klút. Fylgja skal leiðbeiningum framleiðanda hreinsiefnisins.
  • Til að meðhöndla þráláta bletti má nota fínan sandpappír varlega. Meðhöndla skal sandpússað yfirborð aftur með viðeigandi efni (sjá frágang viðar).
  • Forðastu háþrýstiþvott og að spúla saununa við þrif.
  • Þvo skal veggi og loft með sama hætti og bekkina.
  • Gott er athuga skal festingar bekkjanna og herða ef þarf.

Ekki er ráðlegt

• Að hengja upp þvott eða fatnað til þurrkunar – það getur skapað eldhættu. Of mikil raki getur einnig skemmt viðaryfirborð.
• Að hita saununa yfir það hitastig sem tilgreint er af framleiðanda ofns – of mikill hiti getur valdið sprungum eða skemmdum á viðnum og aukið eldhættu.
• Að háþrýstiþvo eða nota slöngu við hreinsun – of mikill raki getur valdið varanlegum skemmdum á viði og byggingarefnum.

Eiginleikar viðarins í saununni

• Viður er náttúrulegt efni og hitabreytingar geta valdið því að hann springi eða aflagist. Þetta fer eftir efni og notkun (hættan er lítil við heimilisnotkun og í hitameðhöndluðum við).
• Viðurinn næst ofninum getur dökknað með tímanum eða við mikla notkun.
• Hitameðhöndlaður viður getur gefið frá sér sérstaka lykt við fyrstu notkun, en sú lykt hverfur smám saman.